pm Kisan big update पंतप्रधान किसान सन्मान योजनेअंतर्गत मिळणारा विसावा हप्ता मे महिन्याच्या अखेरीस किंवा जूनच्या सुरुवातीला शेतकऱ्यांच्या खात्यात जमा होण्याची शक्यता आहे. मागील हप्ता 24 फेब्रुवारी 2025 रोजी जमा झाला होता.
या वेळेस ‘अ‍ॅग्रीस्टॅक आयडी’ अनिवार्य
या वेळी केंद्र सरकारने मोठा बदल केला आहे. जर शेतकऱ्यांकडे अ‍ॅग्रीस्टॅक शेतकरी आयडी नसेल, तर त्यांना 2000 रुपये मिळणार नाहीत. त्यामुळे हा आयडी असणे अत्यावश्यक आहे.
अ‍ॅग्रीस्टॅक आयडी म्हणजे काय
अ‍ॅग्रीस्टॅक ही केंद्र सरकारने सुरू केलेली एक डिजिटल व्यवस्था आहे. यामध्ये प्रत्येक शेतकऱ्याला एक युनिक ‘Farmer ID’ दिला जातो. हा आयडी भविष्यकालीन सर्व योजनांसाठी आवश्यक आहे – जसे की पीएम किसान योजना, बीज व खत अनुदान, इतर अनुदान योजना इ.
अ‍ॅग्रीस्टॅक आयडी कसा मिळवायचा
अ‍ॅग्रीस्टॅक आयडी मिळवण्यासाठी जवळच्या CSC (कॉमन सर्व्हिस सेंटर) वर जाऊन नोंदणी करावी लागते. तसेच ऑनलाईन अर्ज करण्याचीही सोय उपलब्ध आहे.
नोंदणीसाठी लागणारी कागदपत्रे:
- आधार कार्ड
- मोबाईल नंबर
- सातबारा उतारा
- बँक पासबुक
अ‍ॅग्रीस्टॅक नोंदणी नसेल तर हप्ता मिळणार नाही
जर शेतकऱ्यांनी वेळेत अ‍ॅग्रीस्टॅक आयडी घेतला नाही, तर यावेळी मिळणारा हप्ता त्यांच्या खात्यावर जमा होणार नाही. त्यामुळे शेतकऱ्यांनी तातडीने CSC केंद्राला भेट द्यावी.
ग्रामीण भागातील शेतकऱ्यांपर्यंत माहिती पोहोचवण्याचे आवाहन
ही माहिती अधिकाधिक शेतकऱ्यांपर्यंत पोहोचवणे गरजेचे आहे. विशेषतः ग्रामीण भागातील शेतकरी अद्याप या नव्या नियमांबाबत अनभिज्ञ असू शकतात.
